Qeveria e Kosovës, në mbledhjen e saj të rregullt, të premten ka hedhur hapin e parë që vendi të bëhet me domen të vetin shtetëror të internetit. Në këtë mbledhje është miratuar projektligji për domenin shtetëror, i cili pas miratimit në Kuvendin e Kosovës, hap rrugë për procedurat për akreditim në Organizatën Botërore - IKAN. Rifat Blaku, zv/ministër i Administratës Publike, ka thënë me këtë rast se domeni shtetëror është shumë i rëndësishëm për shtetin pasi mundëson që edhe Kosova ta ketë identitetin e vet në botë. "Me aprovimin dhe zbatimin e këtij ligji krijohet e menaxhohet hapësira për domenin shtetëror në internet", ka thënë Blaku.